PONTICA Provinc

PONTICA Provinc

Asiae Minoris terminus a Septentrione, ut Agrippa et Missi Theodosiani statuerunt, adeoque Asiae proprie sie dictae, cuius duas partes idem Agrippa fecit, Citeriorem et Ulteriorem, ambitu comprehensa non est: longe maioribus terminis Asiam circumscribente Strabone, qui eô nomine intelligi voluit, quidquid intra Ponticum, Aegeum et Cilicium maria concludebatur, ad instar Peninsulae, l. 11. Verum ille Geographice situm terrarum et marium rationem magis sequitur, quam Politicam dispositionem provinciarum, quae aliud suadebat. Is itaque Ponticam provinc. Asiae nomine involvit, quae Diaecesim Pontieam postea fecit, ab Asiana diversam, quâ Galatia, Paphlagonia et Cappadocia, Armenia minor et Pontus Polemoniacus comprehendebatur. Sed et Augusti temporibus Bithynia, Propontis et Ponticae pars praetoria fuit provincia, ab Asiae speciali appellatione separata etc. Salmas. ad Solin. p. 807.